Մադուրոն հավաստեց իր մասնակցությունը Վենեսուելայի նախագահական ընտրություններին
Վենեսուելայի գործող նախագահ Նիկոլաս Մադուրոն հավաստել է իր մասնակցությունը պետության ղեկավարի նոր ընտրություններին: Այդ մասին հայտնել է Բոլիվարյան Հանրապետության կապի եւ տեղեկատվության նախարարությունը:
«Ես ասում եմ ձեզ, եղբայրներ ու քույրեր, որ թեկնածու եմ առաջադրվելու նախագահական ընտրություններում, ես կլինեմ բանվոր դասակարգի թեկնածուն»,- հայտարարել է քաղաքական գործիչը:
Հունվարի 23-ին Վենեսուելայի Սահմանադրական ժողովը որոշել է, որ քվեարկությունը պետք է կայանա մինչեւ ընթացիկ տարվա ապրիլի 30-ը: 2017 թվականի դեկտեմբերի 10-ին կայացած ընտրություններում Մադուրոյի գլխավորած Վենեսուելայի միասնական սոցիալիստական կուսակցության ներկայացուցիչները հաղթել են երկրի 335 մունիցիպալիտետներից գրեթ 300-ում, հաղորդել է ՏԱՍՍ-ը:
