Հունական աղցանի լավագույն բաղադրատոմսը
Հայտնի բրիտանացի շեֆ Ջեյմի Օլիվերը հունական աղցանը պատրաստում է 3 տարբեր տեսակի լոլիկներով:
Բաղադրիչներ
1. Միջին լոլիկ – 1 հատ
2. Լոլիկ չերրի – 200 գ
3. Լոլիկ «Ցլի սիրտ» տեսակի – 1 հատ
4. Կարմիր սոխ – 1 հատ
5. Վարունգ – 1 հատ
6. Կանաչ պղպեղ – 1 հատ
7. Թարմ սամիթ – 1 փունջ
8. Թարմ անանուխ – 1 փունջ
9. Ձիթապտուղ՝ առանց կորիզի – մի քանի հատ
10. Աղ՝ ըստ ճաշակի
11. Կարմիր գինու քացախ – 1 ճ/գ
12. Ձիթապտղի յուղ – 3 ճ/գ
13. Պանիր ֆետա – 200 գ
14. Խնկածաղիկ – 1 թ/գ
Պատրաստման եղանակը
1. Միջին լոլիկը կտրատել շերտերով, չերրի լոլիկները կիսել 2 մասի: «Ցլի սիրտ» լոլիկը կտրատել շրջանակներով: Ամբողջը լցնել խորը աղցանամանի մեջ:
2. Շատ բարակ շրջաններով կտրատել սոխը և ավելացնել լոլիկներին: Վարունգը կտրատել հաստ շերտերով: Պղպեղը կտրատել օղակաձև և վարունգի հետ միասին ավելացնել աղցանին:
3. Խոշոր կտրատել սամիթը և անանուխի մի մասը: Մյուս մասը թողնել մատուցելու համար: Աղցանին ավելացնել կանաչին և ձիթապտուղը:
4. Ավելացնել 1 պտղունց աղ, քացախ և ձիթապտղի յուղ: Արագ խառնել ձեռքերով:
5. Վրան շարել ֆետա պանիրը, խնկածաղիկ ցանել և զարդարել անանուխի տերևներով: Նորից մի փոքր ձիթապտղի յուղ ցողել և անմիջապես մատուցել:
Պատրաստեց Անի Գաբուզյանը
