«Իմ լավագույն գաղափարներն առաջացել են այն ժամանակ, երբ ինձ վատ են սպասարկել». Ռիչարդ Բրենսոն

«Իմ լավագույն գաղափարներն առաջացել են այն ժամանակ, երբ ինձ վատ են սպասարկել». Ռիչարդ Բրենսոն

Հաջողակ բիզնեսի 33 կանոն՝ ըստ Ռիչարդ Բրենսոնի

«Ձեր զանգը շատ կարևոր է մեզ համար, բայց մեր օպերատորներն այժմ զբաղված են» արտահայտությունն ամենաշատն է բարկացնում բաժանորդներին: Սակայն, Virgin ավիաընկերություն զանգահարողները չեն լսում այս արտահայտությունը:

«Բարև Ձեզ, ես Ռիչարդ Բրենսոնն եմ, այս ավիաընկերության նախագահը: Այժմ բոլոր օպերատորները զբաղված են: Սա նորմալ չէ: Եկեք վարվենք այսպես. եթե 18 վայրկյան անց ձեզ ոչ ոք չպատասխանի, դուք կստանաք 450 ֆունտ զեղչ: Այսպիսով, սկսենք հետհաշվարկը՝ 18, 17, 16…»:

Հաճախորդը լսում և երազում է, որպեսզի օպերատորները չպատասխանեն:
Սա նորարական բիզնես-քայլ է, որը դարձրել է Բրենսոնին ամենահաջողակ բիզնեսմեններից մեկը:

Բրենսոնը հայտնի է իր խելահեղ քայլերով, ոչ ստանդարտ որոշումներով և տարբեր համաշխարհային ռեկորդներ սահմանելու կարողությամբ:
Հայտնի բիզնեսմենը վստահ է, որ հաջողակ բիզնես կարելի է ստեղծել միայն այն դեպքում, երբ աշխատում եք ամբողջ հոգով:

Առաջարկում ենք ծանոթանալ Բրենսոնի հաջողության գաղտնիքներին:

1. Եթե դուք ձեռնարկատեր եք և չեք սխալվել, ուրեմն դուք ձեռնարկատեր չեք:

2. Կյանքում անխուսափելի են միայն մահն ու հարկերը: Իսկ բիզնեսում միշտ պետք է համոզված լինել, որ մի անգամ ամեն ինչ գնալու է ոչ այնպես, ինչպես նախատեսված էր:

3. Մի սկսեք գործը, որը ձեզ դուր չի գալիս:

4. Ես վերաբերվում եմ բիզնեսին, ինչպես յուրահատուկ զվարճանքի, սակայն երբեմն մոռանում եմ, թե երբ է ավարտվում աշխատանքը և սկսվում կյանքը:

5. Փողը հաջողության վատ ցուցանիշ է: Ավելի վատ է միայն փառքը:

6. Ես միշտ ուրախ եմ, երբ ինձ վատ են սպասարկում: Ոչ, ես մազոխիստ չեմ, պարզապես իմ լավագույն գաղափարներն առաջացել են այն ժամանակ, երբ ինձ վատ են սպասարկել:

7. Ուրիշների կարծիքները լսելու պատրաստակամությունն ու առաջարկություններն ընդունելն օգնել են ինձ այն 40 տարիներին, որ ես բիզնեսով եմ զբաղում:

8. Բարոյականությունը դատարկ ձայն չէ բիզնեսում: Դրանում է ողջ իմաստը:

9. Բիզնեսը մարդկանց կյանքը հեշտացնելու և օգնելու համար է, հակառակ դեպքում այն պետք չէ սկսել:

10. Ավելի լավ է խոստանալ քիչ և տալ շատ, քան՝ հակառակը:

11. Ձեռնարկատերը չպետք է ընդունի անհաջողությունը՝ որպես բացասական բան: Դա միայն ավելացնում է փորձառությունը:

12. Մի անգամ եղած հաջողությունը չի կերակրի ձեզ ամբողջ կյանքում:

13. Չկա ավելի վատ բան նրանից, երբ աշխատողը ներողություն է խնդրում՝ իր ղեկավարի փոխարեն:

14. Ես միշտ նախընտրում եմ խոսել մարդկանց հետ, քան գրել հաղորդագրություններ:

15. Ես ամբողջ կյանքում խուսափել եմ աշխատասենյակներից և իմ ամբողջ կյանքում աշխատել եմ տանը, նավի վրա և գամակին:

16. Ընկերացեք ձեր թշնամիների հետ: Սա լավ խորհուրդ է թե՛ կյանքի, թե՛ բիզնեսի համար:

17. Հաջողությունը չի գալիս ինքնուրույն, պետք է աշխատել:

18. Թե՛ բիզնեսում, թե՛ կյանքում պետք է անել բարի գործեր:

19. Ես երջանիկ մարդ եմ: Ես ծիծաղում եմ միշտ: Ես սիրում եմ մարդկանց, կյանքը, լավ բաները: Ես իսկապես համաձայն եմ, որ ծիծաղը երկարացնում է կյանքը:

20. Պահպանողական մտածելակերպը բիզնեսի համար չէ: Այն կոտրում է ձեր թևերը:

21. Ես համոզված եմ, որ մարդուն չպետք է կանգնեցնի «չի կարելի» արտահայտությունը:

22. Ինձ համար բիզնես ստեղծելը նշանակում է՝ անել մի բան, որով կարելի է հպարտանալ, միավորել տաղանդավոր մարդկանց և անել մի բան, որը կփոխի մարդկանց կյանքը:

23. Մի վախեցեք ռիսկի դիմելուց:

24. Հիշեք, որ ոչ ոք դեռ չի բողոքել, որ քիչ ժամանակ է անցկացրել գրասենյակում:

25. Ես չեմ դադարում լինել բիզնեսմեն՝ անգամ, երբ ես տնային խալաթով եմ:

26. Տվեք ձեր աշխատակիցներին ձեր հեռախոսահամարն ու էլեկտրոնային փոստի հասցեն: Նրանք ձեզ չեն հոգնեցնի իրենց նամակներով, բայց վստահ կլինեն, որ դուք հասանելի եք այն ժամանակ, երբ կա ձեր կարիքը:

27. Իսկական լիդերությունն այն է, երբ կարողանում եք շատ հանգիստ բացատրել, թե ինչումն է խնդիրը:

28. Երբ ինչ-որ գործ սկսում է հաճույք չպատճառել և չուրախացնել, ես մտածում եմ փոփոխությունների մասին;

29. Իմ կարգախոսն է՝ ապրիր ուրախ, իսկ գումարն ինքուրույն կգա:

30. Կյանքում միշտ ինչ-որ բան կորցնում ես և պարտվում: Այնպես որ, գոհ եղիր հաղթանակի ժամանակ: Մի ափսոսա պարտության համար: Ամեն ինչ անցել է, ոչինչ չես կարող հետ բերել, բայց կարող ես սովորել քո սխալի վրա:

31. Եթե դուք բիզնես եք սկսում և ինձնից խորհուրդ եք հարցնում, ապա ես կասեմ, որ դուք պետք է արդար լինեք ցանկացած գործարքում, չպետք է խաբեք, բայց պետք է ձգտեք հաղթանակի:

32. Կարծում եմ՝ ես կանգ չեմ առնի, մինչև չընկնեմ:

33. Ես համոզված եմ՝ կյանքում չկա անհնարին բան:

Սիրարփի Աղաբաբյան

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-28
Ի՞նչ կտա Հայաստանի սովորական քաղաքացիներին ՀՀ-ԵՄ համաձայնագիրը
Հայաստանում Եվրոպական միության պատվիրակության ղեկավար, Արտակարգ և լիազոր դեսպան Պյոտր Սվիտալսկին երեկ լրագրողների հետ հանդիպման ընթացքում խոսեց Հայաստան-Եվրոպական միություն նոր համաձայնագրի մասին։