«Առաջիկայում ակնկալում ենք շինարարության ոլորտում տեմպերի ավելացում». Կարեն Կարապետյան
«2017թ. վերջին շինարարության ոլորտում արձանագրվեց աճ, և առաջիկայում ակնկալում ենք տեմպերի ավելացում»,- այսօր կառավարության նիստում հայտարարեց վարչապետ Կարեն Կարապետյանը` անդրադառնալով շինարարության ոլորտում վարչարարության խնդրին:
Ըստ նրա` Գործարարությամբ զբաղվելու 2017թ. զեկույցում անդրադարձ կար թույլտվությունների տրամադրման ոլորտին, որտեղ արձանագրվել էին մի շարք խնդիրներ, տրվել էին հանձնարարականներ: Կ.Կարապետյանը նշեց, որ քննարկումների արդյունքում առաջացել է վարչարարության ընդհանուր պահանջների պարզեցման և հստակեցման անհրաժեշտություն:
Տարածքային կառավարման և զարգացման նախարարին, Քաղաքաշինության պետական կոմիտեին, մարզպետներին վարչապետը հանձնարարեց, իսկ Երևանի քաղաքապետին հանձնարարեց մեկ ամսում ներկայացնել ոլորտի հստակեցման, վարչարարության, եզրակացությունների թույլտվությունների պարզեցման առաջարկություների փաթեթ և ներկայացնել կառավարության աշխատակազմ:
Կ.Կարապետյանը նաև կառավարության աշխատակազմի ղեկավարին, Քաղաքաշինության պետական կոմիտեին հանձնարարեց տասնօրյա ժամկետում կառուցապատողների և ներդրողների մասնակցությամբ կազմակերպել քննարկում.
«Այս տարի ակնկալում ենք որոշակի աշխուժացում, պետք է լսել՝ ինչն է իրենց խանգարում»:
