Ֆրանսիայում տագնապի նարնջագույն մակարդակ են հայտարարել սաստիկ քամու պատճառով
Ֆրանսիայի հինգ դեպարտամենտներում տագնապի նարնջագույն մակարդակ են հայտարարել սաստիկ քամու պատճառով: Այդ մասին վկայում են Meteo France օդերեւութաբանական ծառայության կայքում հրապարակված տվյալները:
Տագնապի նարնջագույն մակարդակ է հայտարարված երկրի հարավի հինգ դեպարտամենտներում՝ Արիեժում, Վերին Գարոնայում, Վերին Պիրենեյներում, Ատլանտյան Պիրենեյներում եւ Լանդիում: Դեկտեմբերի 27-ին այդ դեպարտամենտներում քամու արագությունը կհասնի վայրկյանում 120-140 մետրի:
Օդերեւութաբանները նախազգուշացնում են, որ անբարենպաստ եղանակը կարող է ազդել ճանապարհային երթեւեկության պայմանների, ինչպես նաեւ օդային ու ծովային տրանսպորտի աշխատանքի վրա: Բացի այդ, քամու ուժգին պոռթկումները կարող են ազդեցություն գործել էլեկտրամատակարարման եւ հեռախոսակապի վրա, հաղորդել է ՌԻԱ Նովոստին:
