Թուրքիայում տնտեսական ռեցեսիայի հավանականությունը առաջիկա տարում 10 տոկոս է. Bloomberg
Առաջիկա 12 ամիսներին Թուրքիայում տնտեսական ռեցեսիայի (հետընթաց) հավանականությունը 10 տոկոս է: Այս մասին հայտնի է դարձել դեկտեմբերի 15-20-ին «Bloomberg News»-ի կողմից Թուրքիայում անցկացված հարցումների արդյունքում:
«Bloomberght.com» թուրքալեզու կայքի համաձայն՝ հարցումների մասնակիցները իրենց պատասխաններում խոսել են ռեցեսիայի 9-25 տոկոս հավանականության մասին: Հետևաբար, Թուրքիայում առաջիկա մեկ տարվա ընթացքում տնտեսական հետընթացի հավանականությունը կազմում է միջինում 10 տոկոս:
Աղբյուրի համաձայն՝ նոյեմբերին անցկացված նմանատիպ հարցումների ժամանակ հարցվածները երկրում ռեցեսիայի հավանականությունը գնահատել էին միջինում 8 տոկոս:
