Ավտոմեքենան արգելափակվել է ցեխակույտում. վարորդին և ուղևորին տեղափոխել են հիդրոէլեկտրոկայան
Դեկտեմբերի 18-ին՝ ժամը 21:39-ին, տեղեկություն է ստացվել, որ Վայոց ձորի մարզի Ջերմուկ քաղաքից վերև գտնվող հիդրոէլեկտրոկայանի մոտակայքում «IFA» մակնիշի ավտոմեքենան արգելափակվել է ցեխակույտում. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ: Պարզվել է, որ «IFA» մակնիշի 16 LS 379 պետհամարանիշով ավտոմեքենան արգելափակվել է ցեխակույտում. արգելափակումից դուրս բերելու համար անհրաժեշտ է հատուկ տեխնիկա:
Փրկարարները վարորդին և ուղևորին տեղափոխել են հիդրոէլեկտրոկայան՝ գիշերակացի:
