Կական հայտարարեց կարիերայի ավարտի մասին
Շնորհակալություն ամեն ինչի համար, լեգենդ: Բրազիլացի կիսապաշտպան Կական հայտարարել է, որ ավարտում է ֆուտբոլային կարիերան:
«Ես եկա այն եզրակացության, որ ժամանակը մոտեցավ ավարտին: Իմ վերջին խոսքը հանգում է նրան, որ պրոֆեսիոնալ ֆուտբոլիստի կարիերաս ավարտվեց»,- հայտարարել է Կական TV Globo-ի եթերում:
Ապագա պլանների մասին բրազիլացին չի հայտնել, բայց ավելի վաղ «Միլանի» ղեկավարությունը առաջարկել էր նրան տնօրենի պաշտոնը: Կարիերայի մեծ մասը Կական անցկացրել է «Միլանում (2003-2009թթ. և 2013-14թթ.): Կիսապաշտպանը հանդես է եկել նաև «Սան-Պաուլուի» և «Ռեալի» կազմերում: Ֆուտբոլիստի վերջին ակումբն «Օռլանդո Սիթին» էր, որի կազմում անցկացրած 72 խաղերում նա դարձել է 22 գոլի հեղինակ:
Պատրաստեց Անի Գաբուզյանը
