10 լավագույն ամանորյա ֆիլմերը՝ ընտանեկան դիտման համար
Երբ փողոցներում արդեն վառվում են հազարավոր լույսեր, խանութներում տոնական եռուզեռ է, իսկ տունը շուտով կլցվի կարկանդակների և տաք շոկոլադի անուշ բույրով, նշանակում է, որ սա տարվա լավագույն ժամանակն է: Իսկ եթե ցանկանում եք ստեղծել ընտանեկան ջերմ կինեմատոգրաֆիական մթնոլորտ, 168.am-ը շտապում է օգնության՝ ներկայացնելով իր առանձնացրած 10 լավագույն ամանորյա ֆիլմերը:
«Էլֆ» (Elf) 
Ամերիկացի դերասան, ռեժիսոր, պրոդյուսեր և սցենարիստ Ջոն Ֆավրոյի ընտանեկան կատակերգությունը պատմում է մի երեխայի մասին, ով Ամանորին հայտնվում է Սանտա Կլաուսի նվերների պարկի մեջ և վերջինիս հետ ուղևորվում է դեպի հեռավոր Հյուսիսային բևեռ:
Էլֆերը նրան իրենց ընտանիք են ընդունում և սկսում են Բադդի (Ուիլ Ֆերրել) կոչել: Սակայն Բադդին չափազանց բարձրահասակ է և տեսանելի՝ իսկական էլֆ դառնալու համար…
Ֆիլմը կարող եք դիտել այստեղ
«Ֆրեդ Կլաուս» (Fred Claus) 
Ամերիկացի կինոռեժիսոր, պրոդյուսեր և սցենարիստ Դևիդ Դոբկինի ամերիկյան ամանորյա կինոկատակերգությունը պատմում է Սանտայի եղբոր՝ Ֆրեդ Կլաուսի մասին: Ֆրեդը (Վինս Վոն) մեծանում է իր եղբոր՝ Նիքի (Փոլ Ջամատի) սուրբ ստվերում, և ի վերջո, կորցնում է հավատը Սուրբ Ծնունդի նկատմամբ:
Մի օր դեկտեմբերին Ֆրեդը թռչում է Հյուսիսային բևեռ և հայտնաբերում է, որ Նիքը վտանգի մեջ է, քանի որ արդյունավետության փորձագետը որոշում է մշտապես վերացնել Սուրբ Ծնունդը:
Ֆրեդը փրկում է Սուրբ Ծնունդը և իր համար վերականգնում ընտանիքի համը:
Ֆիլմը կարող եք դիտել այստեղ
«Հրաշք 34-րդ փողոցում» (Miracle on 34th Street) 
Ամերիկացի կինոռեժիսոր և կինոպրոդյուսեր Լես Մեյֆիլդի կողմից 1994 թվականին նկարահանված «Հրաշք 34-րդ փողոցում» ընտանեկան ֆիլմը համանուն դասական ֆիլմի ռիմեյքն է:
Փոքր երեխաներն անկեղծորեն հավատում են հրաշքներին և միշտ անհամբերությամբ սպասում են Ամանորին: Իսկ 6-ամյա Սյուզանը (Մարա Ուիլսոն), ով հայր չունի, չի հավատում, որ Ձմեռ պապն իսկական հրաշագործ է: Եվ չնայած Սյուզանը, ինչպես բոլոր երեխաները, իր ամանորյա ցուցակն է կազմում, նա վստահ է, որ չի ստանա իր համար ամենից շատ ցանկալի նվերները. նոր տուն, հայրիկ և փոքր եղբայր: Սակայն գլխավոր հրաշքը դեռ տեղի է ունենալու…
Ֆիլմը կարող եք դիտել այստեղ
«Ինչպես Գրինչը գողացավ Ծննդյան տոները» (How the Grinch Stole Christmas) 
Ամերիկացի կինոռեժիսոր, պրոդյուսեր և դերասան Ռոն Հովարդի ընտանեկան կատակերգությունը պատմում է Կտոգրադ հեքիաթային քաղաքի բնակիչների մասին, ովքեր շատ են սիրում նշել Ամանորը։ Բայց կա մեկը, ով ատում է այդ տոնը. դա կանաչ արարած Գրինչն (Ջիմ Քերրի) է։ Նա ապրում է բարձր լեռան վրա, իր միակ ընկերոջ՝ Մաքս անունով շան հետ, և նեղացած է քաղաքի բնակիչներից։ Մանուկ հասակից հասակակիցները ծաղրում էին Գրինչին իր անսովոր արտաքինի համար։ Ավելի ուշ Գրինչի և քաղաքացիների մեջ ընդհանուր հակակրանք է առաջանում։
Ամեն տարի Կտոգրադ քաղաքի բնակիչների ամանորյա ուրախությունն ու երջանկությունը կանաչ ճգնավորի մոտ բարկություն և զայրույթ են առաջացնում։ Եվ մի անգամ Գրինչը որոշում է իրականացնել իր նենգ ծրագիրը. գողանալ քաղաքացիներից իրենց սիրելի Սուրբ Ծնունդը…
Ֆիլմը կարող եք դիտել այստեղ
«Սուրբ Ծննդյան պատմություն» (A Christmas Carol) 
Ամերիկացի հայտնի կինոռեժիսոր, սցենարիստ և պրոդյուսեր Ռոբերտ Զեմեկիսի ֆիլմը պատմում է դաժան ծերունի Էբենեզեր Սքրուջի (Ջիմ Քերրի) մասին: Պարոն Սքրուջն իր ամբողջ կյանքը նվիրել է հարստության կուտակմանը: Նա արհամարհում է ամեն ինչ, բացառությամբ փողի, այդ թվում` ընկերությունը, սերն ու ամանորյա տոները:
Ֆիլմը կարող եք դիտել այստեղ
«Եպիսկոպոսի կինը» (The Bishop’s Wife) 
«Եպիսկոպոսի կինը» ռոմանտիկ կատակերգությունը 1947 թվականին նկարահանվել է հրեական ծագման գերմանացի և ամերիկյան ռեժիսոր, սցենարիստ Հենրի Քոսթերի կողմից:
Ջուլիան (Լորետա Յանգ)՝ Բրոգհեմ եպիսկոպոսի (Դևիդ Նիվեն) կինն է, իսկ Դեբբին (Քերոլին Գրայմս) նրանց փոքր դուստրն է: Նույնիսկ Սուրբ Ծննդյան նախօրեին նրանք ակնկալում են ուշադրության արժանանալ ամուսնու և հոր կողմից: Վերջինս զբաղված է նոր եկեղեցու կառուցման համար նվիրատվություններ հավաքելով և ամբողջ ժամանակն անցկացնում է աղոթելով: Մի օր քաղաքում հայտնվում է Դադլին (Քերի Գրանտ), ով վստահեցնում է, որ ինքը հրեշտակ է և եկել է մարդկանց օգնելու: Հրաշքները, որոնք տեղի են ունենում, օգնում են եպիսկոպոսին հասկանալ, թե ինչն է կյանքում ամենից կարևորը:
Ֆիլմը կարող եք դիտել այստեղ
«Բրիջիթ Ջոնսի օրագիրը» (Bridget Jones’s Diary) 
2001 թվականին բրիտանացի կինոռեժիսոր Շերոն Մագուայրի կողմից նկարահանված ֆիլմը, որի հիմքում ընկած է Հելեն Ֆիլդինգի գիրքը, պատմում է Բրիջիթ Ջոնսի (Ռենե Զելվեգեր) մասին, ով վերջապես որոշում է նոր կյանք սկսել: Նա արդեն երեսուն տարեկան է, բայց ունի բազմաթիվ վնասակար սովորություններ և ավելորդ կիլոգրամներ: Բայց ամենակարևորն այն է, որ նա միայնակ է…
Ֆիլմը կարող եք դիտել այստեղ
«Իրական սեր» (Love Actually) 
Բրիտանացի կինոռեժիսոր, սցենարիստ, կինոպրոդյուսեր, դերասան և սցենարիստ Ռիչարդ Քյորթիսի տրագիկոմեդիան իրական սիրո պատմություն է: Սերն անմոռանալի է և անթույլատրելի, պատճառելով ափսոսանք և հիասթափություն, անսպասելի և անհասանելի, անհարմար է և անբացատրելի, անհեթեթ և անհավասար: Սերն իրականում շրջապատում է մեզ՝ իր աշխատակցուհուն սիրահարված վարչապետից՝ մինչև գրող, ով Ֆրանսիայի հարավ է եկել, որպեսզի բուժի իր կոտրված սիրտը:
Ֆիլմը կարող եք դիտել այստեղ
«Արձակուրդ փոխանակմամբ» (The Holiday) 
Ամերիկացի կինոռեժիսոր, սցենարիստ և պրոդյուսեր Նենսի Մեյերսի ամերիկյան ռոմանտիկ կատակերգությունը պատմում է Այրիս Սիմթքինսի (Քեյթ Ուինսլեթ) և Ամանդա Վուդսի (Քեմերոն Դիաս) մասին: Երկու անծանոթ կանայք, որոնք միմյանցից 10.000 կիլոմետր հեռավորության վրա են գտնվում, հայտնվում են նույնանման իրավիճակներում: Նրանք որոշում են ամանորյա տոներից առաջ փոխանակվել բնակավայրերով, որպեսզի արձակուրդի ընթացքում կարողանան լուծել իրենց խնդիրները:
Ֆիլմը կարող եք դիտել այստեղ
«Նոել» (Noel) 
Նյու Յորքում Սուրբ Ծնունդը տարվա ամենագեղեցիկ ժամանակն է: Ամբողջ քաղաքում վառվում են հազարավոր լույսեր, որոնք ստեղծում են խաղաղության և երջանկության զգացում: Բայց կան մարդիկ, որոնք սպասում են անհավատալի, կախարդական մի բանի: Հենց նրանց մասին է ամերիկացի դերասան և ռեժիսոր Չեզ Պալմինտերիի «Նոել» ամերիկյան դրաման:
Ֆիլմը կարող եք դիտել այստեղ
Անի Գաբուզյան
