ԵՀ-ն Լեհաստանին, Հունգարիային և Չեխիային դատի տվեց միգրանտներ ընդունելուց հրաժարվելու համար
Եվրահանձնաժողովը (ԵՀ) Լեհաստանին, Հունգարիային եւ Չեխիային դատի է տվել միգրանտների ընդունման՝ Եվրամիության (ԵՄ) հետ համաձայնեցված ազգային բաժնեմասերի չկատարման համար: Այս մասին Բրյուսելում կայացած ճեպազրույցում հայտնել է Եվրահանձնաժողովի առաջին փոխնախագահ Ֆրանս Տիմերմանսը:
«Եվրահանձնաժողովը որոշում է կայացրել Լեհաստանի, Հունգարիայի եւ Չեխիայի դեմ հայց հարուցել Եվրոպայի արդարադատության դատարանում՝ միգրացիայի վերաբերյալ իրենց պարտավորությունները չկատարելու համար»,- հայտարարել է նա:
«Նայենք ճշմարտության երեսին, այս որոշումն անակնկալ չդարձավ այդ պետությունների համար: Եվրահանձնաժողովը շատ ամիսներ է կորցրել՝ ձգտելով նրանցից հասնելու այդ պարտավորությունների կատարման»,- ընդգծել է Տիմերմանսը, հաղորդել է ՏԱՍՍ-ը:
