Էմերին՝ Նեյմարի շուրջ ծագած հերթական սկանդալի մասին
ՊՍԺ-ի գլխավոր մարզիչ Ունայի Էմերին խոսել է այն մասին, որ թիմի ֆուտբոլիստ Նեյմարը հաճախ է այցելում գիշերային ակումբներ:
Այս մասին վերջին օրերին շատ էր գրում ֆրանսիական մամուլը: Էմերին նշել է, որ չի տեսնում ոչ մի խնդիր: «Նա երիտասարդ ֆուտբոլիստ է և գիտի, որ իր վրա կա մեծ պատասխանատվություն: Ֆուտբոլից դուրս նա սիրում է անցկացնել իր ժամանակն ընկերների հետ, և դա նորմալ է: Նա հասկանում է, որ կիրակի օրերին պետք է հանգստանալ: Նրա հետ ամեն ինչ կարգին է, նա բաց չի թողնում մարզումները»,- նշել է Էմերին:
Սիրարփի Աղաբաբյան
