«Հավաքականից հեռանալուց հետո ես ամաչում էի ասել, որ ուզում եմ վերադառնալ». Լիոնել Մեսսի
Արգենտինայի հավաքականի հարձակվող Լիոնել Մեսսին հիշել է միջազգային կարիերան ավարտելու իր որոշման մասին, որն ընդունել էր 2016թ. ամռանը՝ Ամերիկայի գավաթի եզրափակչում Չիլիից կրած պարտությունից հետո: Ավելի ուշ նույն տարում «Բարսելոնայի» ֆուտբոլիստը վերադարձավ հավաքական:
«Հեռանալու մասին որոշումը ես տաքացած վիճակում էի ընդունել և հետո ամաչում էի ասել, որ ուզում եմ վերադառնալ: Սակայն Էդգարգո Բաուսան (Արգենտինայի հավաքականի այն ժամանակվա մարզիչը) և ազգային հավաքականի թիմակիցներս արեցին ամեն հնարավոր բան, որպեսզի ինձ հեշտ լինի վերադառնալը»,- Մեսսիի խոսքերն է մեջբերում FourFourTwo-ն:
Պատրաստեց Անի Գաբուզյանը
