Ամերիկացի գիտնականները նշել են այն տարիքը, որից հետո վտանգավոր է երեխաներ ունենալը
Ամերիկացի գիտնականները պարզել են, որ այն սաղմերը, որոնք ստացվել են ավագ տարիքի տղամարդկանց սերմնահեղուկից, ավելի դանդաղ են զարգանում, քան երիտասարդ զուգընկերներից առաջացած պտուղները: Այս մասին հայտնել է Daily Mail-ը՝ վկայակոչելով այն զեկույցը, որը ներկայացվել է ԱՄՆ-ի Վերարտադրողական բժշկագիտության ընկերության խորհրդաժողովում:
Բոստոնի գիտական կենտրոնի հետազոտողները պարզել են, որ 50-ից բարձր տարիքի տղամարդկանց սերմնահեղուկի միջոցով ստացված սաղմերը 35 տոկոսով ավելի դանդաղ են զարգանում, քան մինչեւ 35 տարեկաններից ստացված սաղմերը: Ավագ տարիքի տղամարդկանցից ստացված սաղմը 4,3 տոկոսով ավելի ուշ է հասնում բլաստոցիստի փուլին, որից հետո տեղի է ունենում սաղմի ամրացումն արգանդի պատին: Հեղինակները նման եզրակացությունների են հանգել՝ վերլուծելով այն տեսագրությունները, որոնցում պատկերված է 3532 սաղմերի զարգացումը, որոնք վերցվել են 527 հետերոսեքսուալ զույգերից:
Weill Cornell Medicine բժշկական կենտրոնի գիտնականները պարզել են, որ տարիքի հետ տղամարդկանց սերմնահեղուկը կուտակում է մուտացիաներ: Դա մեծացնում է անառողջ սաղմի բեղմնավորման հավանականությունը, հաղորդել է ՌԻԱ Նովոստի գործակալությունը:
