««Ռեալը» կարող է հաղթել մնացած 4 տիտղոսները». Թոնի Կրոս
«Արքայական ակումբի» կիսապաշտպան Թոնի Կրոսը մտադիր է շարունակել տիտղոսներ նվաճել իր թիմի հետ:
Ընթացիկ մրցաշրջանում «Ռեալն» արդեն ձևակերպել է հաղթանակներ Իսպանիայի Սուպերգավաթում և Եվրոպայի Սուպերգավաթում:
Տվյալ պահին մադրիդցիները պահպանում են հաղթանակի շանսերը ևս 4 մրցաշարերում և կիսապաշտպան Թոնի Կրոսը հավատում է, որ «սերուցքայինները» կարող են նվաճել բոլոր գավաթները:
«Մեր մրցակիցները անընդհատ ավեի ուժեղ են դառնում, դրա համար տարեցտարի հաղթելը դառնում է ավելի դժվար: Այնուամենայնիվ, եթե մենք շարունակենք եռանդուն աշխատել, ապա կարող ենք հաղթել մնացած 4 տիտղոսները: Անհրաժեշտ է պահպանել բալանսը. հարձակվել և պաշտպանվել ամբողջ թիմով և այդ ժամանակ մենք կկրկնենք վերջին 2-3 տարիների հաջողությունը:
Ես շատ ուրախ եմ, որ գտնվում եմ «Ռալում», չէ որ սա աշխարհի լավագույն թիմն է»,- ասել է Կրոսը Marca-ին տված հարցազրույցում:
Պատրաստեց Անի Գաբուզյանը
