Ջիգարխանյանի թատրոնում խուզարկությունները կապված են նրա անձնագրի գողանալու գործով հետաքննության հետ
Արմեն Ջիգարխանյանի թատրոնում կատարվող խուզարկությունները կապված են նրա անձնագրի գողանալու շուրջ ավելի վաղ հարուցված քրեական գործի հետաքննության հետ:
Ինչպես ՏԱՍՍ-ին հայտնել են Մոսկվայի ՆԳ նախարարության վարչության մամուլի ծառայությունում, «մայրաքաղաքի ոստիկանության կողմից ՌԴ Քրեական օրենսգրքի 325-րդ հոդվածով («Փաստաթղթերի հափշտակում կամ վնասում») նախատեսված հանցագործության նշաններով հարուցված քրեական գործի հետաքննության շրջանակներում օպերատիվ միջոցառումներ եւ հետաքննչական գործողություններ են անցկացվում հայցվորի աշխատանքի վայրում»:
Իրավապահ մարմինների աղբյուրների տվյալներով՝ խոսքը վերաբերում է Մոսկվայի Լոմոնոսովի պողոտայում գտնվող Ջիգարխանյանի թատրոնում կատարվող խուզարկությանը: Ավելի վաղ տեղեկացվել է, որ դերասանը ոստիկանությանը դիմում է ներկայացրել իր անձնագրի հափշտակման մասին, ոստիկանությունն այդ փաստով քրեական գործ է հարուցել:
