Ինչով է զբաղվել Հայաստանի զարգացման հիմնադրամը վերջին 1 տարում

Խորագիր:
Ինչով է զբաղվել Հայաստանի զարգացման հիմնադրամը վերջին 1 տարում

Հայաստանի զարգացման հիմնադրամն ստեղծվել է 2015 թվականին՝ երկրի տնտեսական աճի խթանման հիմնական առաքելությամբ։ Ինչպես նշվում է այս կառույցի կայքում, հիմնադրամն իր գործունեությունն իրականացնում է՝ գլխավոր նպատակ ունենալով երկրի վարկանիշի և մրցունակության բարձրացումը:

Հայաստանի զարգացման հիմնադրամը ծրագրեր է իրականացնում նաև պետական մարմինների և գործարարների միջև համագործակցության, համատեղ նախագծերի իրագործման, օտարերկրյա ներդրողներին «Մեկ կանգառի կենտրոն» սկզբունքով սպասարկման ու հետներդրումային ծառայությունների մատուցման ուղղությամբ:

2017 թվականի մայիսի 6-ին հիմնադրամի ղեկավարությունը փոխվեց։

ՀԶՀ հոգաբարձուների խորհուրդը՝ վարչապետ Կարեն Կարապետյանի գլխավորությամբ, քննարկեց և միաձայն քվեարկությամբ Արմեն Ավակ Ավակյանին նշանակեց Հայաստանի զարգացման հիմնադրամի գործադիր տնօրեն:

Ավակյանը 2016 թվականի դեկտեմբերի 1-ից ՀՀ վարչապետի խորհրդականն էր, իսկ մինչ այդ՝  «Գարրիսոն Գրուփ» կազմակերպության վաճառքի գծով և ռեգիոնալ տնօրենը։

Վերջին 1 տարվա ընթացքում կադրային փոփոխություններից բացի ՀԶՀ-ում տեղի են ունեցել նաև կառուցվածքային փոփոխություններ. հաստատվել է ՀԶՀ-ի նոր կառուցվածք, սահմանվել նոր գործառույթներ։

Հայաստանի զարգացման հիմնադրամը նաև հաշվետվություն է ներկայացրել՝ վերջին 1 տարվա ընթացքում իր գործունեության արդյունքների մասին.

  • Հիմնադրամի կողմից կազմակերպվել է 3 գործարար և ներդրումային համաժողով, որոնց արդյունքում կնքվել է 9 հուշագիր և 4 պայմանագիր՝ այդ թվում 1 էքսկլյուզիվ: Պայմանագրերով նախատեսվում է իրականացնել 112 մլն ԱՄՆ դոլարի ներդրումներ և սկզբնական փուլում արտահանել 500 հազար ԱՄՆ դոլարի արտադրանք, որի առաջին առաքումը կայացել է մայիս ամսին։
  • Կազմակերպվել է հայկական ընկերությունների մասնակցությունը թվով 9 ցուցահանդեսների, որոնց արդյունքում կնքվել են 86 պայմանագիր՝ 3,469 մլրդ դրամի (7,2 մլն ԱՄՆ դոլարի) ընդհանուր գումարով։ Ընդհանուր առմամբ կանխատեսվում է մինչ տարվա վերջ ունենալ շուրջ 7 մլրդ դրամի արտահանման պայմանագրեր։
  • Գործարկվել է ներդրումային ծրագրերի հավաքագրման հարթակ՝ investmentprojects.am կայքը, որտեղ զետեղվել են ՀԶՀ կողմից հավաքագրված շուրջ 1.2 մլրդ ԱՄՆ դոլար արժողությամբ 30 ներդրումային ծրագրեր։ Խմբագրվել և քննարկման են ներկայացվել տուրիզմի, գյուղատնտեսության, տեղեկատվական տեխնոլոգիաների, էներգետիկայի, արտադրության, անշարժ գույքի, առողջապահության և արդյունաբերության ոլորտների թվով 40 ծրագրեր:
  • Կազմակերպվել է «Ձևափոխի՛ր» մրցույթը, որի առաջին փուլի արդյունքում ներկայացվել են երկրի զբոսաշրջային վայրերի ձևափոխման ու տուրիզմի զարգացման 60 նախագծեր։
  • Ընդլայնվել է ՀԶՀ-ում գործող «Մեկ պատուհան» սկզբունքով տրամադրվող ծառայությունները։ 2017թ-ին ՀԶՀ-ն սպասարկում է շուրջ 600 ընկերություն, որոնցից 350՝ արտահանող, իսկ 250՝ ներդրող։ Հավաքագրվել և կազմվել է ՀՀ-ում առկա 260-ից ավել ՕՈՒՆ ընկերությունների տվյալների բազա, որոնցից 80 ՕՈՒՆ ընկերությունների հետ տեղի են ունեցել հանդիպումներ։
  • Հիմնադրամը ակտիվ աշխատանքներ է տանում արտերկրում հիմնադրամի ներկայացուցիչների ցանցի ընդլայնման ուղղությամբ։ Արդեն իսկ գործում են 9 ներկայացուցիչ և մինչ տարեվերջ ներկայացուցիչների թիվը նախատեսվում է հասցնել 50-ի։ Ներկայացուցիչների աշխատանքի արդյունքում քննարկվում են ներդրումային և արտահանման ծրագրեր։

Բաժնի նյութերի ընտրանի

Փոխարժեք

USD
483.75
+0.09
GBP
640.87
+0.65
EUR
568.65
+1.41
RUB
8.21
+0.06

Ցուցանիշներ

  • Վարկերի միջին տոկոսադրույք0
  • Ավանդների միջին տոկոսադրույք0
  • Սպառողական գների ինդեքս0
  • Ոսկու գին0

ԱմենաընթերցվածՕրվաՇաբաթվաԱմսվա

ԱԺ ամենահարուստ պատգամավորները
  • 1
    Գագիկ Ծառուկյան
    $134.2 միլիոն
  • 2
    Սամվել Ալեքսանյան
    $36.4 միլիոն
  • 3
    Հակոբ Գ. Հակոբյան
    $8.5 միլիոն
  • 4
    Գրիգոր Մարգարյան
    $6.1 միլիոն
  • 5
    Վահան Կարապետյան
    $5.0 միլիոն
  • 6
    Արայիկ Գրիգորյան
    $4.7 միլիոն
  • 7
    Գուրգեն Արսենյան
    $3.6 միլիոն
Տեսնել բոլորը