Givenchy-ն, Christian Dior-ը և Gucci-ն կհրաժարվեն շատ նիհար ու պատանի մոդելներից
LVMH եւ Kering ֆրանսիական ընկերությունները, որոնց պատկանում են տասնյակ նորաձեւ բրենդներ, պայմանավորվել են հրաժարվել չափազանց նիհար կամ պատանի մոդելների հետ համագործակցությունից։
Ընկերությունները կազմել են կանոնների ցուցակ, որոնք կոչված են երաշխավորելու, որ մոդելների առողջությանը եւ բարեկեցությանը ոչինչ չի սպառնում: Դրանք արգելում են աշխատանքի վերցնել մանեկենուհիների, որոնց հագուստի չափը 34-ից պակաս է, եւ 44-ից պակաս հագուստի չափ ունեցող մանեկենների: Մոդելները պետք է լինեն առնվազն 16 տարեկան, ընդ որում՝ մինչեւ 18 տարեկանը նրանք պետք է ունենան չափահաս ուղեկցողներ եւ չպետք է օգտագործեն սպիրտային խմիչքներ:
LVMH հոլդինգը, մասնավորապես, այնպիսի բրենդների սեփականատերն է, ինչպիսիք են Louis Vuitton-ը, Christian Dior-ը, Givenchy-ն, Fendi-ն եւ Marc Jacobs-ը: Kering-ին, ի թիվս ուրիշների, պատկանում են Gucci, Bottega Veneta, Alexander McQueen եւ Saint Laurent մակնիշները:
