Արթուր Հարությունյանը Հայաստանում չէ. պնդում է նրա որդին. կրակոցների մասին նա հորդորում է դիմել ոստիկանություն
Ինչպես արդեն տեղեկացրել ենք, մամուլում տեղեկություններ են շրջանառվում, որ այսօր Կոտայքի մարզի Աբովյան քաղաքում կրակոցներ են հնչել, ինչի մասին քաղաքացին ահազանգել է Ոստիկանություն: Operativ.am-ի տեղեկություններով՝ կրակոցները հնչել են «Պալաչ» անունով հայտնի Արթուր Հարությունյանի տան վրա: Ոստիկանությունից հաստատել են այս տեղեկությունը:
168.am-ը փորձեց կապ հաստատել Ա. Հարությունյանի հետ: Մեր հեռախոսազանգին պատասխանեց մի երիտասարդ, որը ներկայացավ՝ որպես Ա. Հարությունյանի որդի և հայտնեց, որ այս պահին հայրը երկրում չէ: Կրակոցների վերաբերյալ մեր հարցին ի պատասխան՝ նա հորդորեց «ամեն ինչ ճշտել Ոստիկանությունից»:
