Բրիտանական ընդդիմության առաջնորդը Մանչեսթրի պայթյունից հետո դադարեցնում է ընտրարշավը
Բրիտանական ընդդիմության առաջնորդ Ջերեմի Քորբինը Թերեզա Մեյից անմիջապես հետո հայտարարել է նախընտրական արշավի դադարեցման մասին Մանչեսթրում տեղի ունեցած պայթյունից հետո, հայտնել է Reuters-ը: «Մենք պայմանավորվեցինք
դադարեցնել ընտրաշավը մինչեւ հետագա հայտարարումը»,-մեջբերում է անում գործակալությունը քաղաքական գործչի խոսքից։
«Ես ցնցված եմ Մանչեսթրում տեղի ունեցած հրեշավոր իրադարձություններից», հայտարարել է նա: «Իմ բոլոր մտքերը նրանց մերձավորների եւ բարեկամների հետ են, ովքեր զոհվել են եւ տուժել»,-նշել է լեյբորիստների առաջնորդը:
Քորբինը հայտնել է, որ զրուցել է Մանչեսթրի քաղաքագլուխ Էնդի Բեռնեմի հետ, որն իրեն ամբողջական տեղեկատվություն է տրամադրել ոստիկանության գործողությունների վերաբերյալ, որոնք ձեռնարկվում են ահաբեկչական գործողության առնչությամբ: «Ես կցանկանայի շնորհակալություն հայտնել շտապ ծառայություններին՝ նրանց խիզախության եւ պրոֆեսիոնալիզմի համար»,-հավելել է նա, հաղորդել է ՏԱՍՍ-ը:
