«Նիկոլն էլ ա մեր ընկերը…». Սեյրան Սարոյան
ՀՀԿ-ական պատգամավոր, գեներալ Սեյրան Սարոյանը լրագրողներին է համարում ներքին թշնամի: «Դուք եք, ո՞վ ա թշնամին»,- այսօր ԱԺ-ում ճեպազրույցում հայտարարեց նա:
Ըստ Սարոյանի` ընդդիմության հետ շատ նորմալ համագործակցում են, որոշ գոծիչների հետ անգամ ընկերներ են, Սեյրան Օհանյանն էլ է իր ընկերը, շարունակվում են շփվել.
«Նիկոլն էլ ա մեր ընկերը, այ մարդ, քաղաքականությունից դուրս մենք չենք կարա՞ ընկերություն անենք, այ քեզի բան»: Իր նախկին ընկերների մասին Սարոյանն ասաց. «Այ մարդ, հո էս խորհրդարանը աշխարհի վերջը չի՞, փողոց կա, ռեստորան կա, էս պստիիկ երկրի մեջ հարսնիք կա, կնունք կա, ոնց ֆռում ես, սաղ տեղերը նույն մարդիկ են էլի: Յանմ գնալու են Սիբիր, ես էլ չտեսա»:
Թե ովքե՞ր են Գագիկ Ծառուկյանի ասած «բզբզացոները», Սարոյանը պատասխանեց, որ բզբզացողներին պետք է հարցնել. «Հանրապետականից պրծանք, հմի էլ անցանք բզբզացողների՞ն: Սաղ տեղերն էլ բզեզներ կան»:
