Թրամփը Սպիտակ տանը Ուկրաինայի ԱԳ նախարարի հետ քննարկել է Դոնբասի իրադրությունը
ԱՄՆ-ի նախագահ Դոնալդ Թրամփը Սպիտակ տանն ընդունել է Ուկրաինայի արտաքին գործերի նախարար Պավել Կլիմկինին եւ նրա հետ քննարկել Ուկրաինայի իրադրությունը: Այդ մասին Facebook-ի իր էջում հայտնել է Վաշինգտոնում Ուկրաինայի դեսպանությունը:
«ԱՄՆ-ի նախագահ Դոնալդ Թրամփը Սպիտակ տանն ընդունել է Ուկրաինայի արտաքին գործերի նախարար Պավել Կլիմկինին, կողմերը քննարկել են Միացյալ Նահանգների հետագա աջակցությունը Ուկրաինային»,-ասված է հաղորդագրության մեջ:
Մինչ այդ կայացել է Ուկրաինայի արտաքին քաղաքական գերատեսչության ղեկավարի հանդիպումը ԱՄՆ-ի փոխնախագահ Մայք Փենսի հետ: Ինչպես նշվում է, կողմերը հանգամանորեն քննարկել են Դոնբասի իրադրությունը: Հանդիպումներին մասնակցել է նաեւ ԱՄՆ-ում Ուկրաինայի դեսպան Վալերի Չալին, հաղորդել է «Ինտերֆաքս»-ը:
