Ինչն է եղել գլխավոր շտաբի պետի առաջին տեղակալի ազատման պատճառը. մանրամասներ. «Ժամանակ»
«Ժամանակ» թերթը գրում է. «Երեկ Սերժ Սարգսյանի հրամանագրով գեներալ-լեյտենանտ Էնրիկո Ապրիամովն ազատվել է ՀՀ զինված ուժերի գլխավոր շտաբի պետի առաջին տեղակալի պաշտոնից: Նա ոչ միայն ազատվել է պաշտոնից, այլև արձակվել զինվորական ծառայությունից:
Թեև, որևէ պատճառաբանություն չի նշվում, սակայն Ապրիամովի պաշտոնանկությունն ուղղակիորեն կապված է Ապրիլյան պատերազմից հետո համակարգում բարձրացված խնդիրների, յուրացումների ու չարաշահումների հետ:
Հիշեցնենք, որ անցած տարի քառօրյա պատերազմից օրեր անց՝ ապրիլի 26-ին Սերժ Սարգսյանը աշխատանքից ազատեց ՊՆ փոխնախարար-նյութատեխնիկական ապահովման դեպարտամենտի պետ, գեներալ Ալիկ Միրզաբեկյանին:
Պաշտոնից ազատվեցին նաև ԶՈւ գլխավոր շտաբի հետախուզության վարչության պետ, գեներալ-մայոր Արշակ Կարապետյանը և մի քանի այլ պատասխանատուներ»:
Ամբողջությամբ կարող եք կարդալ «Ժամանակ» թերթի այսօրվա համարում:
