«Եվրատեսիլ»-ին ընդառաջ ոստիկանությունը Կիևի օդանավակայանում ուսումնավարժանք է անցկացրել
Կիևի «Բորիսպոլ» օդանավակայանի տարածքում կայացել են հրամանատարամարտավարական ուսումնավարժանքներ, որոնք նպատակ ունեն «Եվրատեսիլ» երգի մրցույթի ժամանակ անվտանգություն ապահովել: Այս մասին գրում է gazeta.ru-ն։
«Ապրիլի 8-ին «Բորիսպոլ» միջազգային օդանավակայանում Ուկրաինայի ՆԳ փոխնախարար Սերգեյ Յարովոյի նախագահությամբ կայացել են հրամանատարամարտավարական ուսումնավարժանքներ՝ «Եվրատեսիլ»ի ժամանակ ապահովելու անվտանգությունն ու հասարակական կարգը»,-նշված է պաշտոնական հաղորդագրության մեջ։
Ուսումնավարժանքի ընթացքում փրկարարները հանգցրել են օդանավակայանի տերմինալներից մեկում բռնկված պայմանական հրդեհը։
