Միացյալ Թագավորության արտգործնախարարը չեղյալ է համարել այցը Մոսկվա
Միացյալ Թագավորության արտաքին գործերի նախարար Բորիս Ջոնսոնը Սիրիայում իրավիճակի փոփոխության պատճառով չեղյալ է համարել այցը Ռուսաստան, որը պետք է տեղի ունենար ապրիլի 10-ին: Այս մասին ասվում է այդ երկրի արտաքին քաղաքական գերատեսչության տարածած հայտարարության մեջ:
«Սիրիայում իրադրության զարգացումն արմատապես փոխել է իրավիճակը: Այժմ իմ առաջնահերթությունն է լինելու շարունակել շփումները Միացյալ Նահանգների և մյուս կողմերի հետ ապրիլի 10-11-ը կայանալիք «մեծ յոթնյակի» նիստին նախապատրաստվելու շրջանակում»,-ասել է Ջոնսոնը:
Նա հայտնել է նաև, որ աշխատելու է կազմակերպել հանդիպում գործընկերների հետ, ովքեր ևս կիսում են իր տեսակետը` քննարկելու հետագա քայլերը:
