Ֆրանսիայի ԱԽ-ն Սիրիայում քիմիական զենքի կիրառումը ռազմական հանցագործություն է համարում
Ֆրանսիայի Անվտանգության խորհուրդը՝ հանրապետության նախագահ Ֆրանսուա Օլանդի ղեկավարությամբ, քննարկել է Սիրիայի Իդլիբի նահանգի իրադրությունը եւ միջազգային հանրակցությանը կոչ է արել արձագանքել ռազմական հանցագործությանը՝ քիմիական զենքի կիրառմանը։
«Անվտանգության խորհուրդն իր վրդովմունքը հայտնեց Սիրիայում քիմիական զենքի կիրառման կապակցությամբ եւ միջազգային հանրակցությանը կոչ է անում գնահատական տալ այդ ռազմական հանցագործությանը»,-ասված է Ելիսեյան պալատի պաշտոնական հաղորդագրության մեջ:
Սիրիայի ընդդիմադիր եւ հեղափոխական ուժերի ազգային կոալիցիան ապրիլի 4-ին հայտարարել է Իդլիբի նահանգի Խան Շեյխուն քաղաքում քիմիական զենքի կիրառմամբ գրոհի 80 զոհերի եւ 200 վիրավորների մասին: Գրոհի պատասխանատվությունն ընդդիմադիրները բարդել են Սիրիայի կառավարական զորքերի վրա, հաղորդել է ՌԻԱ Նովոստին:
