Բաժիններ՝

Պիկեն՝ ընդդեմ «Ռեալի». Հակամարտությունը լարվածության էպիկենտրոնում է

Համաշխարհային մարզական մամուլը այսօր կրկին սկսեց խոսել կատալոնական Բարսելոնայի և Իսպանիայի ազգային հավաքականի ֆուտբոլիստ Ժերարդ Պիկեի և մադրիդյան «Ռեալի» հակամարտության մասին:

Պիկեն իրեն բնորոշ արտահայտություններ էր արել՝ նշելով, որ մադրիդյան ակումբը հաղթեց Չեմպիոնների լիգայում խաղից դուրս խփած գոլի շնորհիվ: Բացի այդ Պիկեն նշել էր,որ ապրիլի 23-ին «Սանտիագո Բերնաբեուում» կայանալիք Էլ Կլասիկոյի ժամանակ մարզադաշտի օթյակում լինելու է պետական դատավոր Մարտա Սիլվան, քանի որ նրա որոշումներով որակազրկվել էին Նեյմարն ու Մեսսին:

Պիկեի խոսքերն այնքան տարածվեցին, որ իսպանական մամուլը գրեց անգամ, որ մադրիդցիները որոշել են դատի տալ Պիկեին՝ պատճառաբանելով, որ ֆուտբոլիստն անցել է սահմանները և զրպարտում է մադրիդցիների ղեկավարությանը:

Սակայն մադրիդյան թիմից հերքել են այս խոսակցությունները՝ նշելով, որ Պիկեին և իր թիմակիցներին կտեսնեն և նրանց կպատասխանեն ապրիլի 23-ին:

Մադրիդյան ակումբի ներկայացուցիչները հեգնանքով հարցրել են, թե ո՞վ է Պիկեն՝ նշելով, որ չեն ուզում օգնել նրան արհեստական ճանաչվածություն ձեռք բերելու ճանապարհին:

Այս հակամարտությունը ամենաքննարկվող թեմաներից մեկն է սոցիալական ցանցերում: Երկրպագուները նշում են, որ Պիկեն չպետք է մեկնի Մադրիդ, քանի որ կարող է այնտեղից անգամ չվերադառնալ:

Սիրարփի Աղաբաբյան

Բաժիններ՝

Տեսանյութեր

Լրահոս