Ի՞նչ է հայտնի հավաքականում վնասվածք ստացած ֆուտբոլիստների մասին
Հայաստանի ազգային հավաքականի ֆուտբոլիստներից շատերը արդեն վերադարձել են իրենց ակումբներ: Հավաքականի հավաքի ժամանակ մի քանի ֆուտբոլիստներ վնասածքներ ունեին: Արթուր Քարտաշյանն ու Հովհաննես Համբարձումյանը վնասվածք էին ստացել մարզումների ժամանակ, իսկ Գևորգ Ղազարյանը վնավսածք ստացավ Հայաստան-Ղազախստան հանդիպման առաջին րոպեին:
Բուժզննման արդյունքում պարզ է դարձել, որ Հովհաննես Համբարձումյանի վնասվածքը լուրջ չէ, և ֆուտբոլիստի վերականգնման համար շատ երկար ժամանակ անհրաժեշտ չէ:
«Վարդարի» և Հայաստանի հավաքականի պաշտպանը բուժզննում է անցել Գերմանիայում: 10 օրից Համբարձումյանը կկարողանա մարզվել ամբողջ ծանրաբեռնվածությամբ:
Իսկ Գևորգ Ղազարյանի վնասվածքը բավականին լուրջ է: Այս պահին ֆուտբոլիստը գտնվումա Գերմանիայում, որտեղ մանրամասն բուժզննում է անցնում: Ֆուտբոլիստի ոտքը գիպսի մեջ է: Ղազարյանի մոտ ախտորոշվել է ծնկի խաչաձև կապանների մասնակի պատռվածք և մենիսկի վնասվածք: Ամենայն հավանականությամբ, ֆուտբոլիստը բաց կթողնի լավագույն դեպքում 3 ամիս: Այս վնասվածքից ամբողջությամբ ապաքինվելու համար, սակայն, անհրաժեշտ է 6 ամիս:
Սիրարփի Աղաբաբյան
