Երթևեկության փոփոխություն՝ Մաշտոցի պողոտա-Իսահակյան փողոցի խաչմերուկում
2017 թվականի մարտի 29-ից Երևան քաղաքի Մաշտոցի պողոտա-Իսահակյան փողոցի խաչմերուկում կկատարվի երթևեկության կազմակերպման փոփոխություն:
Ինչպես տեղեկացնում են ՀՀ ճանապարհային ոստիկանությունից, փոփոխության արդյունքում Մաշտոցի պողոտայով Սայաթ Նովայի պողոտայի ուղղությամբ աջ եզրային 1-ին գոտով երթևեկող տրանսպորտային միջոցները վերոնշյալ խաչմերուկում կարող են երթևեկել ուղիղ կամ դեպի աջ՝ նախկինում միայն դեպի աջ երթևեկելու փոխարեն:
