Հրդեհ. Սևանի փողոցում գտնվող հեռուստաընկերության մասնաշենքի ֆիլմերի ադմինիստրացիոն սենյակն ամբողջությամբ այրվել է
Մարտի 25-ին, ժամը 21:17-ին տեղեկություն է ստացվել, որ հրդեհ է բռնկվել Երևան քաղաքի Սևանի փողոցի թիվ 116 հասցեում գտնվող հյուրանոցի 2-րդ հարկում:
Դեպքի վայր է մեկնել երեք մարտական հաշվարկ:
Պարզվել է, որ հրդեհը բռնկվել է Սևանի փողոցի թիվ 21 հասցեում գտնվող հեռուստաընկերության մասնաշենքի 2-րդ հարկում գտնվող ֆիլմերի ադմինիստրացիոն սենյակում:
Հրդեհը մեկուսացվել է ժամը 21:35-ին, մարվել՝ 21:53-ին:
Ամբողջությամբ այրվել է սենյակը՝ գույքով (20 քմ):
