Անցած օրվա ընթացքում Եմենում բախումների հետևանքով առնվազն 20 մարդ է զոհվել. AFP
Անցած օրվա ընթացքում Եմենի հարավում կառավարական ուժերի և հոուսիթների միջև բախումների հետևանքով մահացել է առնվազն 20 մարդ: Այս մասին հայտնում է «Ֆրանսպրես»ը (AFP)` հղում կատարելով ռազմական շրջանակներում իր աղբյուրներին: Ըստ այդմ, հոուսիթների կողմից նշանակալի ակտիվություն է գրանցվել Շաբվա նահանգում:
Եմենում բախումները կառավարական ուժերի և շիական «Անսար Ալլա» շարժման մեջ ներգրավված հոուսիթների միջև շարունակվում են դեռևս 2014թ-ից: 2015թ-ից ի վեր կառավարական ուժերն աջակցություն են ստանում Սաուդյան Արաբիայի կողմից:
