Հայտնի է՝ ով կսպասարկի Հայաստան-Ղազախստան հանդիպումը

Աշխարհի առաջնության 2018թ. որակավորման փուլի շրջանակներում մարտի 26-ին Հայաստանի հավաքականը կընդունի Ղազախստանի ընտրանուն: Այս հանդիպումը կսպասարկի մակեդոնական մրցավարական բրիգադը:

Հանդիպման գլխավոր մրցավարը կլինի Ալեքսանդր Ստավրևը: Եզրային մրցավարները Մարյան Կիրովսկին և Դեյան Կոստադինովն են: 4-րդ մրցավարը կլինի Դեյան Յակիմովսկին:

Հիշեցնենք, որ Հայաստան-Ղազախստան հանդիպումը կմեկնարկի 20:00-ին Հանրապետական մարզադաշտում:

Սիրարփի Աղաբաբյան