Ֆուտբոլի Հայաստանի հավաքականը 2-րդ մարզումն է անցկացրել
Այսօր` մարտի 21-ին Հայաստանի ազգային հավաքականն անցկացրել է մարզում ՀՖՖ Տեխնիկական կենտրոնում՝ ֆուտբոլի ակադեմիայում։ Մարզմանը մասնակցեցին 22 ֆուտբոլիստներ, հայտնում է ֆեդերացիայի կայքը։
Արտյոմ Սիմոնյանը դեռ չի ժամանել հավաքականի ճամբար, իսկ Արթուր Քարտաշյանը բաց է թողել մարզումը վնասվածքի պատճառով։
Նախավարժանքից հետո ֆուտբոլիստները աշխատել են հարձակման գծում գոլային պահերի իրացման վրա՝ շեշտը դնելով մեկը մեկի և երկուսը երկուսի դեմ խաղի վրա։ Դրանից հետո մշակվել են ստանդարտ իրավիճակների խաղարկումներ, իսկ մարզումն ավարտվել է երկկողմանի խաղով։
