«Քվեն փամփուշտից հզոր է». Արթուր Բաղդասարյան
ՀՎԿ նախագահ Արթուր Բաղդասարյանն այսօր Ապարան քաղաքում կազմակերպված նախընտրական հանդիպման ժամանակ ասաց` կան դեղամիջոցներ, որոնք հիվանդությունից ավելի վտանգավոր են։ Ապա հարցրեց, թե ով է գոհ իր կյանքից, ինչին ի պատասխան դահլիճում բոլորն արձագանքեցին, որ դժգոհ են։
Բաղդասարյանն ասաց, որ ուզում է` ժողովուրդը հավատքով քվեարկի. «Եթե անգամ գումար եք վերցնում, քվեարկությունը փակ է, ձեր խղճով քվեարկեք։ Մենք առաջարկում ենք գաղափարական հեղափոխություն մեր ժողովրդի հոգիներում, ուղեղներում։ Եկեք` մեր վրայից պատասխանատվությունը չգցենք, մենք ենք տերը մեր քվեի։ Ոչ թե ասեք` մեկ է` ոչ մի բան չի փոխվելու, այլ գնացեք` գաղափարապես ձեզ ավելի մոտ ուժին ընտրեք»։
Նա նշեց, որ առաջարկում են ընտրել մրցունակ ծրագրեր ու գաղափարներ. «Ապրիլի 3-ից հետո ընտրություն մեկ էլ 5 տարի հետո է լինելու, դրա համար ձեր քվեի գինն իմացեք։ Քվեն փամփուշտից հզոր է, եթե գիտակցված է»:
