Թեհրանում մեկնարկել են Հասան Ռոհանիի և Իլհամ Ալիևի բանակցությունները
Թեհրանում մեկնարկել է Ադրբեջանի և Իրանի նախագահներ Իլհամ Ալիևի և Հասան Ռոհանիի հանդիպումը, հայտնում է ԱՊԱ գործակալությունը՝ վկայակոչելով Ալիևի մամուլի ծառայությանը:
Տեղեկությունների համաձայն՝ Ալիևի և Ռոհանիի դեմ առ դեմ հանդիպումը շարունակվել է ընդլայնված կազմով: 
Հիշեցնենք, որ այսօր սկսվել է Ալիևի պաշտոնական այցը Իրան: Օդանավակայանում Ալիևին դիմավորել է Իրանի կապի և տեղեկատվական տեխնոլոգիաների նախարար Մահմուդ Վաեզին:
Այցի ընթացքում սպասվում է երկկողմ հարաբերությունների զարգացմանն ուղղված մի շարք փաստաթղթերի ստորագրություն: 
