«Հուսով եմ՝ երկար կմնամ «Չելսիում»». Անտոնիո Կոնտե
Իտալացին հերքել է «Ինտեր» գնալու մասին շշուկները:
«Ուրախ եմ, որ ստանում եմ այս փորձը: Անհավանական պահ է ինձ համար: Այս մրցաշրջանում ընտանիքս ապրում է Իտալիայում, բայց հուսով եմ, շուտով կինս և աղջիկս կտեղափոխվեն Անգլիա:
Հուսով եմ, երկար կմնամ «Չելսիում»: Երբ նախագիծ ես սկսում նոր ակումբի հետ, միշտ ուզում ես մնալ երկար ժամանակ և ինչ-որ յուրահատուկ բան կառուցել: Բայց շինարարության համար ժամանակ է պետք:
Ամենակարևորն ակումբի ֆուտբոլիստների և մարզիչի համար հաջողությունն է: Կարևոր է շարունակել նույն ոգով, որովհետև մինչև մրցաշրջանի ավարտը կարող է պատահել ինչ ասես, բայց մենք ուզում ենք առաջինը մնալ»,- Կոնտեին է մեջբերում London Evening News-ը:
Կոնտեն գլխավորել է «Չելսին» 2016թ. ամռանը՝ Իտալիայի հավաքականից հեռանալուց հետո:
Պատրաստեց Անի Գաբուզյանը
