Էդուարդ Շարմազանովը դատարկ դահլիճին ասաց` ցտեսություն. ԱԺ նիստը չկայացավ` քվորում չլինելու պատճառով
Քիչ առաջ Ազգային ժողովի հերթական քառօրյա նիստերի վերջին օրն ավարտվեց` այդպես էլ առանց սկսվելու: Առավոտյան նիստի բացման ժամանակ ներկա էին ընդամենը 34 պատգամավորներ և քվորում չլինելու պատճառով հայտարարվեց 3-ժամյա ընդմիջում: Այդ ժամերի ընթացքում գրանցվեց ևս 4 պատգամավոր:
ԱԺ փոխնախագահ Էդուարդ Շարմազանովը հայտարարեց, որ քվորում ապահովելու համար անհրաժեշտ 66 պատգամավորներ ներկա չեն, ուստի նիստը չի կայանա և դատարկ դահլիճին ասաց` ցտեսություն:
