«ԱԺ նիստի տապալումը հստակ կազմակերպված էր». Նաիրա Զոհրաբյան
«Կարծում եմ` իրենք այլևս շատ հրատապ նախագծեր չունեին անցկացնելու և կարծում եմ` հասկանում էին, որ նաև սա վերջին քառօրյան է և ընդդիմադիր ուժերը փորձելու էին անգամ վարման կարգով և տարբեր նախագծերի կոնտեքստում բարձրաձայնել տարբեր խնդիրներ, այդ թվում` նաև Մասիսում տեղի ունեցած միջադեպի մասին, և իրենք նպատատակահարմար գտան անաղմուկ շրջանցել այս օրը»,- այսօր Աժ-ում լրագրողների հետ զրույցում հայտարարեց ԲՀԿ խմբակցության ղեկավար Նաիրա Զոհրաբյանը` պատասխանելով 168.am-ի հարցին, թե ինչո՞ւ տապալվեց ԱԺ նիստը:
Մեր դիտարկմանը` այսինքն հատուկ կազմակերպվա՞ծ էր, Զոհրաբյանն ասաց՝ իհարկե, կազմակերպված էր. «Իրենց մոտ ամեն ինչ լինում է շատ հստակ և շատ կանոնավոր կազմակերպված»:
Ն. Զոհրաբյանի կարծիքով` չի կայանա նաև հաջորդ քառօրյան, որովհետև դա կհամընկնի քարոզարշավի փուլին:
