Հայերի դեմ մեր ողջ զինանոցն օգտագործելու իրավունք ունենք. Ադրբեջանի ՊՆ
Ադրբեջանի պաշտպանության նախարարությունը, մեկնաբանելով Արցախի Հանրապետության ՊՆ հայտարարությունն այն մասին, որ փետրվարի 28‐ին ադրբեջանական զինուժը կիրառել է SPIKE տիպի հակատանկային կառավարվող հրթիռ, հայտարարել է, որ Բաքուն իրավունք ունի օգտագործելու իր ամբողջ զինանոցը:
«Ամբողջ ճակատի երկայնքով ադրբեջանական բանակի ստորաբաժանումներն իրավունք ունեն օգտագործելու ժամանակակից զենքերից բաղկացած իրենց ողջ զինանոցը՝ այդ կերպ կանխելով թշնամու ակտիվությունը»,‐ «ՌԻԱ Նովոստիի» թղթակցին հաղորդել են Ադրբեջանի ՊՆ մամուլի ծառայությունից:
