Արցախում այսօր զոհված Նվեր Բաբաջանյանը երկու երեխայի հայր էր. armtimes.com
Արդեն տեղեկացրել ենք, որ Արցախի Հանրապետության Պաշտպանական բանակի փոխանցմամբ հակառակորդի կողմից ձեռնարկված արկակոծության արդյունքում, մարտի 1‐ին՝ ժամը 16:50‐ի սահմաններում, շփման գծի հարավարևելյան (Մարտունի) հատվածում բեկորային մահացու վիրավորում է ստացել ՊԲ պայմանագրային զինծառայող, 1980 թվականին ծնված Նվեր Յուրիկի Բաբաջանյանը:
Armtimes.com‐ի հետ զրույցում ԱՀ‐ի Մարտունու շրջանի Մարտունի քաղաքի ղեկավար Մհեր Խաչատրյանն ասաց, որ քաղաքում արդեն տեղյակ են Բաբաջանյանի զոհվելու մասին: «Նորմալ սոցիալական պայմաններում էր ապրում: Բանակի կողմից տրամադրված էր բնակարան: Երկու երեխա ուներ, սոցիալական խնդիրներ չուներ»,‐ ասաց Մհեր Խաչատրյանը՝ նշելով, որ զոհված զինծառայողը բնիկ Մարտունի քաղաքից էր: Քաղաքապետի խոսքով՝ Նվեր Բաբաջանյանի հոգեհանգիստը տեղի կունենա վաղը:
Ամբողջությամբ՝ սկզբնաղբյուր կայքում։
