Պուտինը դեմ է Սիրիայի դեմ նոր պատժամիջոցներ սահմանելուն
Սիրիայի ղեկավարության նկատմամբ պատժամիջոցները կխափանեն այդ երկրում կարգավորման հարցով բանակցային գործընթացը, հայտարարել է ՌԴ նախագահ Վլադիմիր Պուտինը Ղրղըզստանի նախագահ Ալմազբեկ Աթամբաևի հետ բանակցություններից հետո հրավիրված մամուլի ասուլիսի ժամանակ։
«Ինչ վերաբերում է Սիրիայի ղեկավարության դեմ պատժամիջոցներին, ապա ես կարծում եմ, որ ներկայումս դա միանգամայն անտեղի է»,- ասել է Պուտինը՝ նշելով, թե պատժամիջոցները «կխափանեին վստահությունը բանակցային գործընթացի նկատմամբ»։
«Ռուսաստանը ոչ մի նոր պատժամիջոցների Սիրիայի նկատմամբ չի աջակցի»,- հավելել է Պուտինը։
Նա մեկնաբանել է նաև Աստանայում Սիրիայի հարցով բանակցությունները։ Նրա խոսքով՝ «աշխատանքը դրական է ընթանում»։
