Թրամփը մեղադրել է Օբամային տեղեկատվական արտահոսքի մեջ
ԶԼՄ-ների տեղեկատվական արտահոսքի հետևում, որոնք վարկաբեկում են Սպիտակ տունը, կանգնած է ԱՄՆ նախկին նախագահ Բարաք Օբաման և նրա շրջապատը, հայտարարել է ԱՄՆ նախագահ Դոնալդ Թրամփը Fox News հեռուստաընկերությանը տված հարցազրույցում։
«Կարծում եմ՝ Օբաման է կանգնած դրա հետևում, քանի որ նրա մարդիկ հաստատ կանգնած են դրա հետևում։ Որոշ արտահոսքեր, հավանաբար, դուրս էին գալիս այդ խմբից»,- ասել է Թրամփը։
Նա տեղեկատվական արտահոսքերն անվանել է«լուրջ քայլ», քանի որ դրանք ազդում են ԱՄՆ ազգային անվտանգության վրա։ Միևնույն ժամանակ, նա չի բացատրել, թե ինչ նկատի ունի, սակայն հնարավոր է համարել, որ նման արտահոսքերը կշարունակվեն, քանի որ «դա քաղաքականություն է»։
Ավելի վաղ CNN-ը հայտնել էր, որ Թրամփը թույլատրել է ստուգել Սպիտակ տան վարչակազմի աշխատակիցները բջջային հեռախոսները, որպեսզի համոզվի, որ նրանք չեն շփվել լրագրողների հետ։
Սպիտակ տան պաշտոնական ներկայացուցիչ Շոն Սփայսերն այդ տեղեկությունը հերքել էր։
