«Ես դադարեցնում եմ հացադուլը, նույնը խնդրում եմ քեզ». Արայիկ Խանդոյանի կոչը՝ «հաց բերողին»
Ազատամարտիկ, «Սասնա ծռեր» խմբավորման անդամ Արայիկ Խանդոյանը կոչով դիմել է Արթուր Սարգսյանին՝ «հաց բերող»։ Տեքսը հրապարակվել է Հելսինկյան ասոցիացիայի ֆեյսբուքյան էջում։
«Սիրելի եղբայրներ՛, Արթուր ջան՛, ես դադարեցնում եմ հացադուլը և նույնը խնդրում եմ նաև քեզ: Մենք պարտավոր ենք ուժեղ լինել մտքով ու ոգով, առողջ մարմնով: Ավարտին հասցնելու գործ ունենք: Մեր Ծուռ պատվելի եղբայր ջա՛ն, մենք գործն ավարտին կարող ենք հասցնել մեր լինելով, այլապես չցանկանալով թև կտանք ազգադավ ռեժիմին:
Ուստի խնդրում եմ դադարեցնել հացադուլը և բոլոր ուժերն ուղղել մեր Հայրենիքի փրկության սրբազան գործին: Հարգանքներով քո եղբայր Արայիկ Խանդոյան»,- ասված է տեքստում։
