Մերձմոսկվայում Հայաստանի քաղաքացի է գնդակահարվել
Փետրվարի 25-ի, լույս 26-ի գիշերը Մերձմոսկվայի Դոլգոպրուդնի քաղաքում Հայաստանի 35-ամյա քաղաքացի է գնդակահարվել, հայտնում է 360tv.ru-ն։
Տղամարդու մարմինը, կրծքի շրջանում հրազենային վնասվածքով, հայտնաբերվել է Սովետսկայա փողոցում՝ «Водник» սրճարանի հարևանությամբ։
Հայաստանի քաղաքացին Դոլգոպրուդնիում ապրել է առանց գրանցման։ Ոստիկանները դեպքի վայրում հայտնաբերել են տրավմատիկ ատրճանակի պարկուճ։
Սպանության փաստով հարուցվել է քրեական գործ։
Առգրավվել է տեսահսկման սարքերի տեսագրությունը, անցկացվում են օպերատիվ-հետախուզական միջոցառումներ, հայտնում է «360» հեռուստաալիքը՝ վկայակոչելով իրավապահ մարմիններում իր աղբյուրներին։
