«Ռուսաստանն ու Իրանը կքննարկեն «Նավթ՝ ապրանքների դիմաց» ծրագիրը». Նովակ
Մոսկվան և Թեհրանը մոտակա շաբաթներին կորոշեն իրանական նավթի մատակարարման հարցը «Նավթ՝ ապրանքների դիմաց» ծրագրի շրջանակում, լրագրողներին հայտնել է ՌԴ էներգետիկայի նախարար Ալեքսանդր Նովակը։
«Մոտակա շաբաթներին մենք կձգտենք դա անել արագացված տեմպերով, ամեն ինչ կապված է համաձայնեցման գործընթացից»,- ասել է Նովակը՝ պատասխանելով հարցին, թե երբ կստորագրվի «Նավթ՝ ապրանքների դիմաց» պայմանագրի լրամշակումը։
Նախարարն ընդգծել է, որ ընթանում է հարցի մշակում, քննարկվում են մատակարարումների պայմանները։
Իրանը պլանավորում է ստորագրել համաձայնագիր Ռուսաստանին օրական 100 հազար բարել նավթի վաճառքի վերաբերյալ, հայտնում է իրանական Iranian Students News Agency (ISNA)-ն՝ վկայակոչելով Իրանի նավթի նախարար Բիժան Զանգանեին։
