Մարտեր Դոնբասում, սպանվել են ուկրաինացի զինվորականներ
Անցած օրերին Դոնբասում անջատողականները 62 անգամ կրակել են ուկրաինացի զինվորականների դիրքերի ուղղությամբ, ինչի հետևանքով սպանվել է 2 ուկրաինացի զինվորական, հայտնում է Հակաահաբեկչական գործողության մամուլի ծառայությունը։
Ուկրաինացի զինվորականների տվյալներով՝ Մարիուպոլի ուղղությամբ անջատողականները ականանետներից կրակ են բացել Վոդյանոյե, Մարյինկա, Շիրոկինո բնակավայրերի ուղղությամբ։
Դոնեցկի ուղղությամբ տանկերից կրակ է բացվել Բուտովկա հանքի ուղղությամբ, Ավդեևկայի, Կամենկայի ու Լուգանսկի ուղղությամբ՝ 120 և 82-միլիմետրանոց նռնականետներից ու հրազենային զինատեսակներից։
