Մեհրիբան Ալիևան պատմել է, թե ինչով կզբաղվի փոխնախագահի պաշտոնում
Ադրբեջանի նախագահ Իլհամ Ալիևի կինը՝ Ադրբեջանի առաջին փոխնախագահ Մեհրիբան Ալիևան հայտարարել է, թե կզբաղվի երկրում սոցիալական խնդիրների լուծմամբ, գրում է Interfax-ը։
«Իմ ցանկությունը սոցիալական խնդիրների լուծման վրա կենտրոնանալն է, բնակչության անապահով խավերի խնդիրների լուծումը»,- հայտարարել է Ալիևան։
Նրա խոսքով՝ իրեն Ադրբեջանի փոխնախագահի պաշտոնին նշանակելը եղել է Ադրբեջանի նախագահի անձնական նախաձեռնությունը։
«Իհարկե, հավանաբար, դեր է խաղացել այն, որ ես երկար տարիներ շարունակ ոչ միայն նախագահի կինն եմ, այլև նրա համախոհը»,- հայտարարել է Մեհրիբան Ալիևան։
