Ռազմավարական նախաձեռնությունների կենտրոնը հանրային քննարկում է կազմակերպել
Ռազմավարական նախաձեռնությունների կենտրոնը (Center for Strtategic Initiatives) ֆեյսբուքյան իր էջում տեղեկացնում է, որ հանրային կարծիքի ուսումնասիրման, հանրության հետ հետադարձ կապի ապահովման և Ռազմավարական նախաձեռնությունների կենտրոնի գործունեության թափանցիկության ապահովման նպատակով պարբերաբար կանցկացվեն հանրային քննարկումներ։
Առաջին քննարկումը վերաբերում է հարկային և մաքսային ոլորտի բարեփոխումներին։
ՌՆԿ-ն քննարկման մասնակիցներին առաջարկել է պատասխանել հետևյալ հարցին՝ ի՞նչն է առաջնային հարկային և մաքսային ոլորտի բարեփոխումների գործընթացում։
Պատասխանողները կարող են ընտրել հետևյալ 4 տարբերակներից մեկը՝
1․ Օրենսդրական փոփոխություններ
2․ Կառուցվածքային և կադրային փոփոխություններ
3․ Վարչարարական և գործառնական փոփոխություններ
4․ էլեկտրոնային համակարգի բարելավումներ, փաստաթղթաշրջանառության դերի բարձրացում
Կամ ներկայացնել իրենց սեփական տարբերակը։
Ֆեյսբուքում գրանցված օգտատերերը կարող են մասնակցել հանրային քննարկմանը՝ այս հղումով։
