Պետդումայի փոխխոսնակը հայտարարել է մեկուսացումից Ռուսաստանի դուրս գալու մասին
Պետդումայի փոխխոսնակ Պյոտր Տոլստոյը հայտարարել է, որ Ռուսաստանը դուրս է եկել մեկուսացումից, հայտնում է Interfax-ը։
Նման հայտարարություն նա արել է Վիեննայում ԵԱՀԿ խորհրդարանական ասամբլեայի նստաշրջանի արդյունքներով։
«2 օրերին մենք բազմաթիվ կարծիքներ ենք լսել Ռուսաստանի ու հարաբերությունների հնարավոր զարգացման մասին։ Սակայն կարող եմ վստահությամբ ասել մեկ բան՝ մեր երկիրը դուրս է եկել մեկուսացումից, մեզ հետ ցանկանում են երկխոսել ու զբաղվել ընդհանուր խնդիրների լուծմամբ՝ համաշխարհային ահաբեկչության դեմ պայքարից մինչև երկկողմ հարաբերությունների հաստատում»,- հայտարարել է Տոլստոյը։
Նա գլխավորում է ԵԱՀԿ խորհրդարանական ասամբլեայում ռուսական պատվիրակությունը։
