Վրաստանը ԵՄ-ի հետ առանց վիզային ռեժիմը կստորագրի մարտի 1-ին. ԶԼՄ-ներ
Եվրամիության հետ Վրաստանի առանց վիզային ռեժիմի ստորագրման արարողությունը տեղի կունենա Բրյուսելում մարտի 1-ին։
Այս մասին հայտնել է «Ազատություն» ռադիոկայանի բրյուսելյան թղթակից Ռիկարդ Յոզվյակը իր Twitter-ում։
«Վրաստանի համար առանց վիզային ռեժիմի և առանց վիզային ռեժիմի ժամանակավոր կասեցման մեխանիզմի ստորագրման արարողությունը տեղի կունենա Բրյուսելում մարտի 1-ին»,- ասվում է հաղորդագրության մեջ։
Հիշեցնենք, որ փետրվարի 2-ին Եվրախորհրդարանը հավանության արժանացրեց Վրաստանի համար առանց վիզային ռեժիմ սահմանելուն։ Կողմ քվեարկեց 553 եվրապատգամավոր, դեմ՝ 66, ձեռնպահ՝ 28։
The signing ceremony for #Georgia visa lib & the visa free suspension mechanism will take place in Brussels on 1 March. #Ukraine
— Rikard Jozwiak (@RikardJozwiak) February 24, 2017
