Մոսկվայում վերջին հրաժեշտն են տալիս Վիտալի Չուրկինին
ՄԱԿ-ում ՌԴ մշտական ներկայացուցիչ Վիտալի Չուրկինի սգո արարողությունն է մեկնարկել Մոսկվայում Երևանի ժամանակով ժ. 10.30-ից։
Դիվանագետին վերջին հրաժեշտը տալու է գնացել նաև ՌԴ ԱԳՆ ղեկավար Սերգեյ Լավրովը։
Հիշեցնենք, որ երեկ Վիտալի Չուրկինի մարմինը Նյու Յորքից հատուկ ինքնաթիռով տեղափոխվել է Մոսկվա։
Նրա մահվան պատճառը պաշտոնապես դեռ չի հաղորդվում։
Վիտալի Չուրկինը վախճանվել է փետրվարի 20-ին Նյու Յորքում՝ իր 65-ամյակի նախօրյակին: ՄԱԿ-ին առընթեր ՌԴ-ի մշտական ներկայացուցչի պաշտոնը դիվանագետն զբաղեցնում էր 2006 թվականի ապրիլի 8-ից:
